رخام والجرانيت
-------------------
كنا بدأنا في البوست اللي فات أعمال التكسيات للارضيات والحوائط واتكلمنا عن النوع الاشهر #السيراميك_البورسلين ممكن تشوف البوست ده هحط اللينك بتاعه في الاخر .. هنتكلم انهارده ان شاء الله عن #الرخام_الجرانيت
- في البدايه عايزين نعرف ايه الفرق بين عائلة الرخام والجرانيت وعائلة السيراميك والبورسلين : ببساطه شديده ان الرخام والجرانيت دول حاجه طبيعية ، علي عكس السيراميك والبورسلين.
- ايه الفرق بين الرخام والجرانيت ؟ -------------------------------------
* #الرخام : ده حجر رسوبي - بيمتص ومنفذ للماء - العجينه بتاعته اضعف من الجرانيت - الرخام اغلب الوانه فواتح ومش منقط ولكن هتلاقيه فيه عروق او تشابيح (زي السحاب كدا ).
* #الجرانيت :
حجر ناري - اكثر صلاده وغير منفذ وغير مسامي ولا يمتص الالوان - العجينه بتاعته اقوي من الرخام - كل الجرانيت الوانه غوامق وتلاقيه منقط كدا.
- مصدر وصناعة الرخام والجرانيت :--------------------------------------
مصر من الدول الكبيرة في صناعة الرخام والجرانيت لان سلاسل جبال الاحمر كلها رخام وجرانيت، طيب مين دول تانيه بتعمل رخام وجرانيت :
1- ايطاليا. 2- الصين. 3- الهند. 4- باكستان. 5- ماليزيا. 6- اندونيسيا.
وبالنسبة للمسميات بتاعت الرخام دايما بتكون بناءا علي حاجتين ( لونه - مكانه ) يعني مثلا فيه رخام اسمه ( احمر اسواني - اسود افريقي - جلاله - اخضر هندي - كراراه ايطالي).
والمنطقة المشهوره بالرخام في مصر هي منطقة #شق_التعبان
- طيب ازاي الرخام بيوصلنا بالشكل اللي بنشوفه ده ؟
طبعا الرخام بيتقطع من جبال علي هيئة بلوكات والبلوكات دي لسه هتتقطع شرايح وتتباع بالمتر ، والبلوك ده بعد كدا يروح مصنع الرخام عشان يتقطع شرايح بمكنه اسمها #واترجيت ، وبعد ما تتقطع شرايح بيكون اسمها #طاولات سمكها 2 او 4 سم ، بعد ما يقطعوه طاولات يلمعوه بمكن #جلي_الرخام ، وبعد الطاولات نقطعه ترابيع ودي اللي بنركبها بقي ، وممكن نقطعه درج للسلم. ومهم جدا لما نيجي نقطع الرخام نشوف هنقطعها ازاي والعروق تطلع معاك مظبوطه.
- تركيب الرخام والجرانيت :-------------------------------
ايه الافضل الرخام والجرانيت ولا السيراميك والبورسلين .. بص فيه قاعده في التشطيبات بتقول انك كل ما استخدمت خامات طبيعية في المكان كل ما يبقي مريح نفسيا ف اكيد الرخام والجرانيت مفيش افضل منهم ولكن مشكلته ان غالي.
الرخام والجرانيت بيركب بالظبط بنفس طريقة تركيب السيراميك والبورسلين لكن فيه فروق بسيطه اللي هيا ، اننا بنزود المحتوي الاسمنتي شويه في حالة الرخام والجرانيت ، ولما أجي اركب الرخام قبل ما اركبه افرزه الاول وننقي اللي شبه بعضه ونحطه جمب بعض ، حتي الصنايعية بيعملوا ساعات تجميعه للعروق عشان الرسمه تبقي مكمله ، وفيه حاجه اسمها رخام #open_book ادخل علي النت وشوف صوره واستمتع فني صحي
لما اركب الرخاام احرص ان اللحامات بتاعته متبانش ، طيب فيه حاجتين بعملهم عشان افنش الرخام ولحاماته متبانش :
1- بسقي اللحامات بماده اسمها #زملكه دي عباره عن معجون في الاصل عباره عن كُوله وعليها الوان معينه + بودرة الرخام وساعات بيكون معاهم اسمنت ابيض وبنحطها في اماكن الكسر واماكن الخدوش وفي اللحامات.
2- بعد الزملكه بجيب #الجلايه ودي عباره عن مكنه بيركب عليها من تحت حجر جلخ وده حجر بيصنفر ، فبنرش المايه علي الارض وبعدين بحجر الجلخ يصنفرها ، وبنجلي الرخام من 3 - 5 وشوش لحد ما الرخام يكون بيلمع تاما
بالنسبة للجرانيت مبيكونش لمعته سوبر زي الرخام لان الجرانيت حجر قاسي مهما لمعت فيه ميتلمعش ، فعشان تعمل جرانيت لمعه سوبر لازم يكون جايلك مجلي من المصنع. لو عندي رخام سلم او رخام حائط او عمود لازم يكون جااي متلمع من المصنع ، لان الجلايه مش هتعرف تمشي عليه .
طيب احنا امته بنركب الرخام علي الحيطه ؟1- مدخل عماره. 2- واجهة محل. 3- مسجد.
4- حوالين المبني من بره ودا بنسميه رخام السفل او السليكو وارتفاعها بيكون من 30 سم - 1 متر ، وفايدته غير انه منظر جمالي الا انه بيحمي جدران المبني من اسفل من الرطوبة.... ازاي بنركبه حول المبني ؟
بيركب الرخام بحيث انه يبقي رأسي تماما وبيثبتوه بشكل مؤقت ببؤج جبس وبيكون ورا الرخام مسافه من 2-3 سم ، ومن تحتها بردم برمله بحيث اقفل من تحت ، ويروح يجيب #بستله ويحط فيها مايه واسمنت صافي ويكون محتوي الاسمنت عالي ويقلب ويعمل لباني اسمنت وبالبستله يدلق في الفراغ ويسيبه كدا يوم وبعدين يفك البؤج ف هتلاقي الركام ده اصبح جزء من الحيطه.
بس فيه عندي مشكله ... ان الرخام لما بيجي بيكون ظهره شبه ناعم ، فتماسكه مع المونه كويس عشان حجر طبيعي لكن وحش عشان ظهره ناعم ...فبنخشن الرخام من ظهره بفضل حديد التسليح او كسر الرخام او السيراميك ويلزقها بالكوله في ظهر البلاطه وبعدين نلزق الرخامه.
#ملحوظه : السقيه بالمونه الاسمنتيه مينفعش كلها تتعمل في يوم واحد لان ضغط المونه ممكن ينطر البلاطه من مكانها.
تركيب الرخام في وجهات المباني :----------------------------------------
لو عندي مبني وعايز اعمل كل واجهته رخام ، ف الطريقه البلدي دي مش هتنفع في الارتفاعات الكبيره ، الطريقه اللي تنفع في الحاله دي هيا الطريقة #الميكانيكة ، ودي عباره انه بيفتح فتحه في الرخام اسمها #تخويش يعني يقطع في السمك بتاعها وبعد كدا تتركب بمسامير
بس فيه عندي ملحوظتين :
1- لازم لو بتعمل رخام لواجهة كبيره تعزل وراها عزل رطوبه ، لان الرخام بيكون وراه فاضي ولو دخل شويه مايه في الفراغ ده هيبوظ الدنيا عند الناس والحيطه هتلاقيها بتنشع عندهم ، وطول الوقت فيه مسافه فاضيه بين الرخامه وبين الحيطه ف المسافه الفاضيه دي بيدخل فيها حشرات وفئران ، ف البيتومين ده ماده سامه ولما بيتدهن مستحيل الحشرات تمشي عليه.
2- يفضل املي في الجزء السفلي من المبني مونه ، لان الجزء السفلي ده معرض للكسر لو كان وراه فاضي. فني صحي الكويت
رخام السلم --------------
طبعا كلنا عارفين ان السلم مكون من نايمه وقايمه وكل مجموعة درج اسمها قلبه واللي بين القلبتين اسمه فانوس السلم والجنب بتاع السلم اسمه فخدة السلم.
الجزء البارز من النايمه بيسموه #انف_الدرجة وتخانة الانف اسمه #باستون_الدرج وعادة الباستون ده لازم يجي بدوران عشان يديني شكل جمالي والدوران ده بيسموه #حليه ، وبيعملوا كدا حاجه في النايمه عباره عن 3 خطوط غائره في الرخام اسمهم #فرمله ، وبتتعمل عشان وانت طالع متتزحلقش ، وعادة بتتعمل في المباني اللي عليها حركه كتيره (مستشفي - جامعه ).
دلوقتي الدرج ده عشان اركبه لازم اظبط المنسوب بتاعه ، طيب ازاي انا هظبط الدرج بتاعي في الرخام ، لازم تكون معايا شوية داتا عشان اعرف اشتغل رخام السلم:
1- تكون عارف منسوب تشطيب الدور اللي تحت ومنسوب تشطيب الدور اللي فوق لان ممكن الادوار متكونش لسه متشطبه ومنسوب التشطيب ده انا بعرفه من الشرب ، لو مثلا المسافه بين الشربين 3 متر يبقي المسافه بيت التشطيبين 3 متر برضو ، فهنعمل حاجه اسمها #تقسيط_الدرج يعني دلوقتي انا عارف ان الارتفاع الراسي بين المنسوبين 3 متر فبروح افتح اللوحه المعمارية واطلع منها عدد الدرج ف طلع مثلا 20 درجه فهقول 3 متر / 20 درجه هيطلع 15 سم ، يبقي ال 15 سم دول هما ارتفاع النايمه الواحده
2- لو ميل السلم في الخرسانه مش مظبوط ببني طوب علي الدرج عشان استعدل ميل السلم .
3- ارتفاع رخامة النايمه بتكون 11 سم (15 - 4 سم ) لان سمك النايمه 4 سم ، وسمك القايمه بتكون 2 سم، والدرج بيتباع وبيتركب بالمتر الطولي .
4- وزرة الرخام اللي راكبه علي حيطة السلم اسمها #تلابيس
استلام الرخام والجرانيت
---------------------------------
1- لو ارضيات او حوائط نفس طريقة استلام السيراميك ولكن في الرخام لازم نتأكد من سلامة الرخامه ولو فيه عيب في الرخام يستبعد ، اما لو كان العيب بسيط فيتزملك.
2- بالنسبه للسم اتأكد من عدد الدرج وارتفاع القوايم وعرض النوايم والدرج كله لو شديت عليه خيط يكون كله واحد ، والخيط بشده علي انوف الدرج.
3- لو درجة البادي ودرجة الناهي القايمه والنايمه بتاعتهم مظبوطين وشديت خيط علي الانوف وطلعت مظبوطه فانا مش محتاج اقيش عرض كل نايمه وارتفاع كل قايمه .
4- زاوية التقاء القايمه مع النايمه لازم تكون زاويه قائمة وأتأكد من افقية النايمه .
5- الدرجه لو كانت فيها سنه ميل لبره استلمها ، بس لو مايله لجوه 1مم ارفضها ،عشان ماية المسح بتاعت السلم.
6- لازم استلم التلابيس واحط عليها اده والمفروض الاده دي تسلمني كل التلابيس مظبوطه واتاكد من راسيتها.
7- لازم التلبيسه تكون بنفس ارتفاع الدرجة.
طريقة جلي وتلميع الرخام يتحتّمُ على المرء جليِّ وتلميعِ الرّخامِ الموجودِ على أرضيّاتِ المنزلِ كُلما دعت الحاجةِ لذلك الأمر باتِّباعِ العديدِ من الطُّرق،
جلي الرخام يُعتبرُ الرُّخامُ حجرٌ جيريٌّ جميلٌ، ويتّحدُّ مع العناصرِ الطّبيعيّةِ ليشكّلُ مادةً ناعمةً نسبياً وبألوانٍ مُختلفةٍ، وهناك العديدُ من الأمورِ الواجبِ اتِّباعها عند الجليِّ والتّنظيفِ الصحيحِ لهُ، ونذكر منها ما يأتي:
تنظيفِ الرُّخامِ ومسحهِ بشكلٍ مُتكرِّرٍ ودوريٍّ، ووجب التّنويهِ إلى أنّ بُقعِ الرُّخامِ تتشكّلُ بُسرعةٍ، وقد ينسكبُ عليها العديدُ من المشروباتِ السّاخنةِ أو الباردةِ، فيجبُ تنظيفها على الفورِ وعدم الانتظارِ كثيراً لتنظيفها. مسحِ الرُّخامِ بقطعةِ قماشٍ ناعمةٍ ووضعِ الماءِ الدّافئ عليها، لتنظيفِ الغُبارِ والانسكاباتِ الصّغيرةِ، ويجبُ عدم فركِ الرُّخامِ بشدّةٍ؛ تجنُّباً لخدشهِ، بل تمريرِ القماشِ عليها بدون الضّغطِ على الرُّخامِ، والتّحرُّكِ بقطعةِ القماشِ بشكلٍ دائريٍّ على البُقعِ التي تحتاجُ للقليلِ من الضّغطِ حتى تزول بشكلٍ نهائيٍ. مسحِ الرُّخامِ بعد تنظيفهِ مُباشرةً بقطعةِ قماشٍ ناعمةٍ وجافّةٍ أخرى؛
لتجفيفهِ ومنعِ تراكمِ البُقعِ عليهِ. استخدامِ الصّابونِ الطّبيعيِّ أو مُنظِّفِ الرُّخامِ لتنظيفٍ أعمقٍ، وإذا تراكم الغُبار أو الأوساخِ عليهِ وعلى الجرانيتِ أيضاً، وذلك عن طريقِ وضعِ القليلِ من صابونِ الأطباقِ في الماءِ الدّافئ، واستخدامِ قطعةِ قماشٍ ناعمةٍ لتنظيفِ الرُّخامِ وغمرها بالصّابونِ والماءِ، وفركِ الرُّخامِ بحذرٍ بها، ومن الواجبِ ذكرهِ بأنّهُ يجبُ ألّا يُستخدمُ الخلُّ أبداً في تنظيفِ الرُّخامِ كونه يؤدي لتاَكلهِ، بل يُنصحُ باستخدامِ بيروكسيدِ الهيدروجينِ في تنظيفِ الرُّخامِ.
استخدامِ قماشِ الشّامواه المصنوعِ من القماشِ النّاعمِ في عمليّةِ تجفيفِ الرُّخامِ بعد تنظيفهِ جيِّداً. إزالةِ البُقعِ التي قد تتراكمُ على الرُّخامِ ولكن يجبُ في البدايةِ اتِّباعِ وسائلِ السّلامةِ من خلالِ ارتداءِ الكمّامةِ، وبعد ذلك مزجِ صودا الخُبزِ مع الماءِ، ووضعِ المزيجِ على الرُّقعةِ المُلطّخةِ بالبُقعِ،
وتغطيةِ المنطقةِ بغلافٍ بلاستيكيٍّ وتركهِ لمُدّةِ أربعٍ وعشرون ساعةٍ، وبعد انقضاءِ المُدةِ القيامِ بإزالةِ الغلافِ ومسحِ المنطقةِ بقطعةِ قماشٍ مُبلّلةٍ، ويُمكنُ تكرارِ العمليّةِ إذا استمرّ وجودِ البُقعِ، وتجدرُ الإشارةِ إلى إمكانيةِ استخدامِ بيروكسيدِ الهيدروجينِ لإزالةِ البُقع مع استخدامِ ذاتِ طريقةِ صودا الخُبزِ التي ذُكرت،
والتّأكُّدِ بأنّ لونِ الرُّخام ليس داكناً تجنّباً لحدوثِ أيِّ ضررٍ بهِ. يمكن استخدامِ نشأ الذُرةِ لإزالةِ الشّحومِ من على الرُّخامِ، من خلالِ رشِّ القليلِ منهُ على الشُّحومِ، وتركهِ لمُدّةِ عشرون دقيقةٍ وحتى يمتصّهُ الرُّخامِ، وبعد ذلك مسحِ المنطقةِ بقطعةِ قماشٍ مُبلّلةٍ بحذرٍ شديدٍ.
الرئيسية 
